മുകൾഭാഗം സ്വർണനിറത്തോടുകൂടിയ പാടുകൾ നിറഞ്ഞ ഇവയ്ക്ക് പ്രജനനകാലത്ത് മുഖത്തും തൊണ്ടയിലും മാറിടത്തിലും വയറ്റിലും കറുപ്പുനിറവും അരികിലായി വെളുത്ത് കട്ടിയുള്ള വരയും കാണാം. പ്രജനനേതരകാലത്തെ പക്ഷികളുടെ അടിഭാഗം മങ്ങിയ വെള്ളനിറമാണ്. വിളറിയ മഞ്ഞനിറത്തോടുകൂടിയ കൺപുരികവും ഇവയ്ക്കുണ്ട്. അഴിമുഖങ്ങളിലും തീരപ്രദേശങ്ങളിലെ മൺതിട്ടകളിലും കണ്ടുവരുന്നു.