വലിയ കടൽക്കാക്കയെക്കാൾ ചെറുതാണിത്. പ്രജനനേതരസമയത്ത് ഇവയുടെ ചെവിത്തടം ഇരുണ്ട നിറത്തിലുള്ളതും കൊക്കിന്റെ അഗ്രം കറുത്തതുമാണ്. മുകൾചിറകിലെ പ്രഥമകൾ വെള്ളനിറത്തിലുള്ളതും ഇവയുടെ അഗ്രം കറുത്തതുമാണ്. കൺപോളയ്ക്ക് ബ്രൗൺ നിറമാണ്. പ്രജനനകാലത്ത് തലയ്ക്ക് ഇരുണ്ട കാപ്പിനിറമുള്ള ഇവയുടെ കൊക്ക് കറുപ്പുകലർന്ന ചുവപ്പോടുകൂടിയതാണ്. തീരപ്രദേശങ്ങളിലും അഴിമുഖങ്ങളിലും കാണപ്പെടുന്നു.