പച്ചനിറത്തിലുള്ള തൂവലുള്ള ഇവയുടെ കൺവളയവും കൊക്കും ചുവപ്പുനിറത്തോടുകൂടിയതാണ്. വാൽ നീലനിറം കലർന്ന പച്ചയാണ്. ആൺപക്ഷികളുടെ കഴുത്തിൽ കറുപ്പും പിങ്കും ചേർന്ന ഒരു പട്ട കാണാം. ഇവയുടെ താടിക്ക് കറുപ്പുനിറമാണ്. പെൺപക്ഷികൾക്ക് കഴുത്തിലെ പട്ട മങ്ങിയ പച്ചനിറത്തിലാണ്; താടിയിൽ കറുത്തപട്ടയില്ല. ഗ്രാമങ്ങളിലും മരങ്ങൾ നിറഞ്ഞ പ്രദേശങ്ങളിലും നഗരങ്ങളിലും കാണപ്പെടുന്നു.