താരതമ്യേന ചെറിയ ഈ മരംകൊത്തിയുടെ മുകൾഭാഗത്തിന് വെളുത്തവരകളോടുകൂടിയ തവിട്ടുനിറമാണ്. മങ്ങിയ മഞ്ഞനിറം കലർന്ന വെള്ള അടിഭാഗത്ത് തവിട്ടുനിറത്തിലുള്ള അവ്യക്തമായ വരകൾ കാണാം. വെളുത്ത കൺപുരികം പിൻകഴുത്തുവരെ എത്തുന്നുണ്ട്. വാൽച്ചിറകിന്റെ നടുക്കുള്ള തൂവലുകളിൽ വെളുത്ത കുത്തുകളുണ്ട്. കാടുകൾ, തോട്ടങ്ങൾ, വൃക്ഷനിബിഡമായ പ്രദേശങ്ങൾ എന്നിവിടങ്ങളിൽ കാണപ്പെടുന്നു.