പേരു സൂചിപ്പിക്കുന്നതുപോലെ അറ്റം വെള്ളനിറമുള്ള തവിട്ടുവാൽ വിശറിപോലെ നിവർത്തുകയും പൂട്ടുകയും ചെയ്യും. വീതിയേറിയ കൺപുരികത്തിനും മുൻനെറ്റിക്കും തൊണ്ടയുടെ വശങ്ങൾക്കും വെള്ളനിറമാണ്. ഇവയുടെ അടിഭാഗത്ത് വെള്ളനിറമുണ്ട്. കറുത്ത തൊണ്ടയിലും ചിറകിന്റെ വശങ്ങളിലും വെളുത്ത കുത്തുകളുണ്ട്. പൂന്തോട്ടങ്ങളിലും കൃഷിയിടങ്ങളിലും ദ്വിതീയവനങ്ങളിലും കണ്ടുവരുന്നു.