ആൺപക്ഷികളുടെ തലയിലും മാറിടത്തിലുമുള്ള വെള്ളനിറം ഇവയെ ചാരത്തലക്കാളിയിൽനിന്ന് എളുപ്പം തിരിച്ചറിയാൻ സഹായിക്കും. അടിഭാഗം ചാരനിറമുള്ള ഇവയുടെ വയറിന്റെ വശങ്ങളിൽ ചെമ്പൻ നിറമുണ്ട്. പെൺപക്ഷികളുടെ മുകൾഭാഗത്തിന് പൊതുവെ വിളറിയ ചാരനിറമായിരിക്കും. അടിഭാഗത്തിനാകട്ടെ മങ്ങിയ മഞ്ഞകലർന്ന വെള്ളനിറമായിരിക്കും. ഗ്രാമങ്ങളിലും ഈർപ്പമുള്ള കാടുകളിലും കണ്ടുവരുന്നു.